又兩個月冇update 過xanga 喇, 呢排真係好忙好充實, 又point form 下先:-

 12 月 24 番左工再番香港食野同戲, 由尖沙咀行去Element真係好遠, 同埋怪旦城3D版真係都幾悶:P

 12 月25 日劉德華演唱會, 你唔睇係你既損失!!

 12 月28 日係宿舍開xmas party, 好開心

 12 月30日去左Edmond 屋企bbq, 一大班大學同學聚首一堂真係好難得(雖然我一去到就係打mj) 

 12 月31 日又要倒數喇，係諾士佛臺 EL CID　食飯～　好好食，好好飲，好好mood~

 三年冇見你喇！！玩具掌門人真係好好好悶．．．．

 CJ7 雖然唔係差, 不過唔係我expect 既野... 有少少失望啦....

 容祖兒演唱會, 好正正, 愈來愈愛佢既快歌, 雖然唱開佢既都係慢歌~ 睇左兩次, 尾場佢捉左張敬軒上台唱心花怒放, 即時抵番晒啦~

 27 宜嫁, 睇完真係有d 想嫁~ 哈哈, 監製真係好捕捉到女性既心態~

 L, 無端端成套戲都唔洗用腦, 同埋搞笑左, 有d 警察故事feel 添~

 魔法奇緣, 好好睇, 主角天真得黎唔作狀~ 同埋好 buy 佢, 公主唔一定要揀王子!!

 依利沙白2, 係Element 睇... 好誇張, 成個院得廿張seats, 重要可以電動令張seat 變床咁～$140包埋野食同飲都抵啦～

 1 月 26 同 27, 同 sae 既同事們去左澳門兩日一夜呀~

基本上都係以賭為先~ 金沙同威尼斯人, $5/ 注既大細同輪盤都好抵玩, 最後輸左二百蚊離場~ ^v^" 咁多人排隊重咩? 都係為左 3 點出爐既大利萊豬排包, $14 個, 唔係好抵, 不過都幾好食既~ 走之前係新莆京係buffet, 醫生話係九成九係因為食左生蠔 (食左一隻咋) 染左諾沃克病毒... 係東莞嘔左十一次成晚攬住廁所, 朝早 6:30 番香港打針....

多d 既澳門相~

http://www.facebook.com/album.php?aid=39927&l=a7b07&id=689610762

  係鼠年收到好多貓既野~ 今年冇點行花市, 不過, 都同番棵真桃花影張相攞個運啦~

 話咁快又情人節, 雖然自己唔係好重視呢日, 不過收花始終係開心既~ 香港果扎（粉紅橙）當然比東莞果扎（紅）新鮮同靚得多~  不過, 有少少意外啦... 有人唔記得我屋企有多個陳小姐... stupid

係酒吧街安格斯食晚餐, 成間餐廳都係心心汽球, 真係好誇~ 套餐實在太唔抵~ 重要 mark up 15% service charge... 不過, 佢地送果支玫瑰好襯我個 gloria 花樽 ^v^"

 又澳門番黎開始, 一直病到而家... 諾沃克 -> 感冒 -> 喉嚨痛 -> 發炎上耳仔.... 睇左3 次醫生喇, 醫生都話鼠年唔利我... ><" 幾時先好番晒.... 

原來成個月冇update 過xanga 喇~ 今個月真係好忙呀, 但好喜歡充實既生活

 YOGA

Join 左 Living Yoga, 上左 2 堂 Hatha-1 同 1 堂 Hot Yoga. Hot Yoga 個外籍老師好靚仔, 最搞笑o岩o岩上堂, 聽左好耐都唔知佢講咩野, 以為係因為我坐得後, 同埋yoga 要靜, 所以聽唔清楚... 等佢行到過黎教我 hold 既時候.... 先發現原來佢講廣東話....

很喜歡坐到最後排, 唔知點解堂堂都冇人坐最後的... 但其實最後既好處係可以睇到全身鏡, 左邊同右邊都有... 每當自己做既 post 同老師一樣, 就會覺得好開心...

 STOCKS

點解抽新股要用到以前學既 critical path?? 哈哈, 資金不足ma... 不過搞咁耐, 咩野都抽唔到...而家寄望 SOHO / 新彊.... 其實自己抽獎運唔差架, 大學校友日幫手抽左個 2 獎, 係一隻古董錶... 第一年 BU1 抽獎, 又係2 獎, 抽左架單車.... 第二年 BU3 抽獎, 都係 2 獎, 抽左部 HI-FI.... 但抽新股, 都係中過 2 次咋... 除左新股, 睇緊大成生化 (809), 都好似跌得差唔多喇掛....

 WORKS

9 月係我呢個 industry 最忙架... d 客趕住 xmas 出新貨, 所以黎緊有 2 個program launch....真係忙死喇, 好耐冇試過番工番到零時零分... 最可惡係十一黃金周之前要趕晒d 野, 而呢個時候, 偏偏又係d 同事既放假既好日子... 真係好多阻滯....

10 月喇, 一個特別既月份... 一年了, 發現時間真係可以沖淡一切... 盡管呢年發生既事情多到自己唔敢相信, 但淨下既只有開心既回憶...

聽晒 關心妍既 Lost & Found, 首推 "任君選擇"... 不過, 其實佢首首歌都係同一個mood 咁, 整體而言, 冇咩驚喜... 但林夕既歌詞往往都係好窩心的

任君選擇

作曲：黃丹儀@Baron
作詞：林夕
編曲：黃丹儀@Baron
監製：伍樂城@Baron

有些英俊卻傲慢
有些體貼卻平凡
有些很懂得嘆
然後其他可驚喜幾晚
看情形尚有很多可揀
要選散懶卻浪漫
還是賣力但古板
還可再細看未晚
有些有魅力但相處極難
要伴侶全方位合適可算貪

明知我極恨　偏要等多等
要共我為人極相近
為防未來受苦原應選好人
但我也貪戀驚心
願有日亦能分享內心
不知道是哪一類情人
能真的刻骨銘心　真正合襯

聽到好好好朋友既好好好消息, 真係好開心!!~ 睇得出既幸福同甜蜜, 生日快樂!~

至於令一位好朋友, 唔需要心急啦, 單身有單身的好喔~ 你應該諗點係比人困住之前好好享受而家既自由自在喔~

每次生病都係忙碌既日子, 希望生日之前可以完全好番晒啦~ 好想可以玩得盡興一點!~

今年同往年一樣去左兩次書展, 一共買左十二本書 / 一支幾米公仔既筆/ 一張書籤

 一個人泡澡 / 高木直子
 150cm Life 2 / 高木直子 <= 儲齊喇!! 
 中國掌相/ 蘇民峰 <= 希望唔會捉住人黎研究啦...
 女人, 總是想太多 <= 真的要我看麼?
 你總有愛我的一天 <= 我最愛既張小嫻 (只限於小說), 但覺得d 字愈來愈少... ><"
 35 歲前要做的 33 個樂子 <= 之前買過 35歲前要做的 33 件事
 關於愛情 <= 睇過幾篇, 對王貽興另眼相看... 重係書展見到佢添 
 吃一粒愛情勝利糖 <= 係我買既第 3 本深雪, 呢本o岩晒而家睇啦...
 不怯場, 說話的藝術 <= 好得意~ 係繪本黎~ 要學得再世界妹d !!~
 其餘 3 本, 有 2 本係送比人... 1 本書名吸引住我, 但不便透露~

第一晚去真係好累, 行左３個幾鐘, 最後重不開心收場...又係自己想太多...!? 係旺角搭通霄 van 番去, 點解過左 80, 咇咇聲響, 司機都當聽唔到!!?? 快到一落車就想嘔... 你重取笑我 鍾意揸咁快既都暈車浪... 虧你重有心情同我講笑... 好想學識 Harry Potter 既 破破咒.... 究竟你諗咩?? 不過, 嘔左一場又好似諗通左d.... 想得太多...

平淡既時候總想要多點火花... 生活太起伏又嚮往番平淡既生活... 最終, 其實一切已自有主宰

只要 timing o岩, 將來既事又有誰知道? 順其自然吧...

幸運既是, 自問係一個適應力強既人... 開始經得起風浪, 愈來愈處之泰然....

Comfort Friend

- a kind of friend in between boyfriend and good friend

- not that tight and serious, but also not that apart and uncaring 

享受一會再說吧...